Unha xornada antes da súa inauguración, un dos nosos últimos proxectos, o Hotel Mar do Ézaro foi o anfitrión do noso último curso de formación para promotores. www.hotelmardoezaro.com
As modernas instalacións, con todas as súas habitacións orientadas ao mar e ao veciño monte Pindo, serviron perfectamente para o labor que non era outro que analizar a influencia do Covid19 sobre o sector turístico.
Anxo González, de pQliar, acompañado de Celso Martínez, foi o encargado de realizar a exposición da situación actual.
Resulta innegable que a aparición do virus modificará moitas actitudes, e iso terá unha influencia directa sobre o comportamento da relación entre os clientes turísticos e as empresas.
Como normas principais a seguir poderíamos sinalar dúas:
– Por unha banda primar a transparencia. O cliente debe ser consciente de todo o que a empresa turística está a realizar para a súa seguridade. É correcto que as actuacións se realicen na súa presenza.
– En caso de desacordos entre clientes moi estritos coas normas e clientes “máis relaxados” débese dar prevalencia aos primeiros. Desta forma as medidas cúmprense e aos poucos todos nos iremos adaptando a certas disciplinas obrigatorias mentres dure a emerxencia.
O curso, que foi analizando distintos parámetros, tamén fixo fincapé en exemplos concretos, sinxelos de entender e que axudan a abrir a mente a novas formulacións. Por exemplo a imposibilidade de manter os almorzos ou comidas no formato buffet tradicional e que se deben substituír por procedementos novos máis seguros.
A primeira parte da xornada estivo adicada á ADAPTACIÓN HIXIÉNICO SANITARIA. Todos os participantes eran conscientes das complicacións que pode provocar un positivo, aínda que fose importado. E tamén se advirte unha enorme preocupación polas posibles consecuencias a nivel comunicación, especialmente no caso das redes sociais.
É por tanto decisivo cumprir os protocolos marcados pola Xunta de Galicia, que, adaptados a diversos sectores, ofrecen unha visión práctica e sinxela de todas as medidas a tomar. Todos os comportamentos na relación da empresa co cliente van variar. Aumentará a planificación en todos os sentidos e reducirase a espontaneidade. As empresas deben asumir esta nova situación.
Lembremos o máis importante: o obxectivo é garantir a seguridade, tanto dos clientes como do propio persoal do establecemento.
Na segunda parte ofrecéronse algunhas claves para mellorar o REPOSICIONAMIENTO da empresa.
As empresas turísticas deben adicar un tempo para pensar en como queren que o seu negocio sexa coñecido nestes intres. A descubrir que aspectos deben primar na súa comunicación. Moitos aspectos variaron con respecto á tempada anterior.
Elementos que tiñan unha importancia relativa, por exemplo un xardín, pode pasar a ter un valor reforzado. Non ter ascensor, é dicir: que un ascensor non sexa necesario, pasou de ser un defecto a unha virtude. De igual forma, as reducidas dimensións do establecemento, por exemplo un menor número de habitacións, pasan a xogar a favor do mesmo.
Moitas cousas cambiaron. A desestacionalización aumentará. O espazo será un gran valor. As zonas turísticas menos masificadas sairán beneficiadas.
Finalmente a terceira sección estivo adicada á REORGANIZACIÓN das empresas. É imprescindible ser máis eficaces. A empresa ten que ser máis competitiva. A sinalización e cartelería debe situarse en espazos moi visibles. De forma expresa valórase a presenza de planos informativos que comuniquen as posicións dos distintos elementos de hixiene e desinfección.
Como xa dixemos, recoméndase que as manobras de hixiene e desinfección fáganse á vista do cliente: “o que o cliente non ve, non existe”. Proponse un estudo dos posibles puntos de aglomeración, para evitar que se produzan retencións. Crear un traxecto obrigatorio pode ser unha boa medida, ben aceptada polos propios usuarios.
Tamén é preciso reforzar a vixilancia sobre o vestiario dos empregados ou sobre os sistemas de ventilación e climatización.
Os responsables dos nosos últimos proxectos, neste caso todos eles promotores de empresas turísticas, participaron de forma activa na xornada. Podemos concluír que con esta reunión, os envíos de información por e-mail e as asistencias individualizadas, cando comecen a súa actividade estarán máis preparados para asumir o desafío que o Covid19 realizou a todo o sector.
