O pasado venres, 1 de marzo de 2019, finalizou o prazo de presentación para os proxectos que entrarán na proposta de concesión de axudas que elaborará o GALP Costa Sostible antes do próximo 15 de abril.
17 foron os proxectos presentados, que agora o persoal técnico do GALP Costa Sostible encargarase de analizar ou avaliar para ver se son ou non susceptibles de incluírse na mesma.
Destas 17 propostas, 7 correspóndense con iniciativas de carácter non produtivo e 10 con propostas de carácter produtivo, con capacidade para converterse en empresas viables que consoliden a creación de emprego no territorio.