PRESENTACIÓN
ESTRATEXIA SOSTIBLE
O Territorio
O territorio GALP Costa Sostible está situado na costa noroeste de Galicia, fronte ao Océano Atlántico; inclúe dúas áreas principais: a Ría de Muros-Noia e unha boa parte da Costa da Morte.
Trátase dun fermoso territorio costeiro que posúe un bo número de áreas protexidas e sitios de interese comunitario, como o Monte Louro, o Monte Pindo ou o Estuario do Tambre; a eles incorpora escenarios de gran atracción turística, como o Cabo Fisterra, antigo fin do mundo dos romanos, un bo número de excelentes areais e tamén poboacións cun extraordinario centro histórico, como Muros e Noia.
Este territorio revela unha marcada dependencia do sector da pesca nun 45%, aínda que é necesario sinalar unha crecente importancia do turismo. Conciliar ambos os sectores prioritarios, mantendo a sustentabilidade do territorio, é o noso obxectivo primordial; por iso a valoración dos proxectos aposta expresamente pola súa responsabilidade coa paisaxe, tendo en conta que a costa é sempre un ecosistema cun equilibrio delicado, e pola súa responsabilidade coas persoas, buscando un impacto positivo na poboación local.
Comprende os concellos de Fisterra, Cee, Corcubión, Dumbría, Carnota, Muros, Outes, Noia e Porto do Son; ocupando un territorio total de 593,4 Km2, cunha poboación de 62.000 habitantes.
Función do GALP
O Grupo de Acción Local do Sector Pesqueiro Seo de Fisterra – Ría de Muros-Noia, Costa Sostible, ou máis sinxelamente, GALP Costa Sostible, é o responsable no seu territorio da xestión das axudas do Fondo Europeo Marítimo e da Pesca. É o interlocutor para os promotores locais na súa procura de financiamento para iniciativas de interese económico e social.
O GALP Costa Sostible financia proxectos para a creación ou mellora de actividades económicas e de servizos de interese local dende 2015 a 2020.
Obxetivos E Plan de Acción
Obxectivo estratéxico 1. SECTOR PESQUEIRO.
Fomentar un sector pesqueiro máis sostible ambiental e economicamente a través dunha xestión máis eficiente dos recursos e o incremento do valor engadido, a diversificación e a innovación nos estadios da cadea de valor vinculados á transformación, á distribución e á comercialización, aliñándonos cos obxectivos do Crecemento Azul.
Obxectivo estratéxico 2. DIVERSIFICACIÓN ECONÓMICA.
Potenciar o desenvolvemento económico mediante a diversificación produtiva, o incremento da competitividade, o emprendemento, a mellora das oportunidades de traballo e o emprego alternativo ao traballo no mar potenciando o sector turístico e a diversificación en xeral da actividade produtiva do territorio, tomando a condición mariñeira do mesmo como elemento diferenciador.
Obxectivo estratéxico 3. PATRIMONIO NATURAL E CULTURAL.
Mellora da calidade de vida das poboacións costeiras mediante a conservación do medio ambiente e a cultura tradicional e a rehabilitación e posta en valor do patrimonio cultural e natural costeiro.
Concepto de Sostenibilidade
Abarca diversos aspectos:
- Atención á viabilidade técnica, económica, social e financieira dos proxectos. É moi importante que os proxectos partan dun análisis riguroso das suas opcións de futuro. Se están orientados ó mercado –os proxectos productivos- deben ser viables neste contorno.
- A sostenibilidade medioambiental e paisaxística. A costa é unha paisaxe sempre en equilibrio delicado. Calqueira acción debe ter en conta o seu impacto no entorno. Teremos en conta as suas implicacións nos ecosistemas locais e en tódalas formas de impacto paisaxístico para conseguir que a acción humana conserve e enriquezca o medio natural e cultural.
- A responsabilidade social. O GALP aposta por fórmulas de traballo que teñen un impacto positivo na sociedade local. Ademáis da creación de empleo, debemos loitar pola participación de tódolos cidadáns nos beneficios do progreso, atendendo ás persoas desfavorecidas ou con necesidades específicas.
Estratexia para o Territorio
A Estratexia de Desenvolvemento Local Participativo, é un documento que recolle as líñas básicas cas que traballa o GALP para determinar qué tipo de proxectos deben contar co seu apoio para conseguir ese objetivo de desenvolvemento sostible.
Foi aprobada polo GALP, reunindo ós representantes dos diversos sectores e intereses do territorio, e pola Consellería do Mar.
¿Qué vas atopar na EDLP Costa Sostible?
- O análisis do territorio, coas suas potencialidades.
- Os obxetivos marcados.
- Os tipos de proxectos subvencionables.
- Os porcentaxes de financiamento aplicables.
- As normas do funcionamiento do GALP.
- O presuposto de execución.
PARTICIPA
Forma parte do GALP
O GALP – Grupo de Acción Local Participativo é o organismo que regula a xestión das axudas do FEMP, é dicir, o substituto do GAC ata o 2020.
Estará integrado por representantes das Confrarías de Pescadores, dos Concellos, de Asociacións e Organizacións Sociais do territorio. Todas elas participan na toma de decisións sobre o destino dos fondos FEMP. Por iso, se formas parte dunha delas, podes informarte.
Requisitos para as Asociacións e Organizacións Sociais
- Ser unha entidade sen ánimo de lucro e estar formalmente constituída.
- Ter sede ou traballar nun ou varios municipios do Seo de Fisterra-Ría de Muros-
Noia: Fisterra, Cee, Corcubión, Dumbría, Carnota, Muros, Outes, Noia e Porto do
Son). - Non formar parte doutro GALP en constitución.
- Representar intereses dun colectivo:
Quen decide qué entidades forman parte do GALP?
Todos. É un proceso de concertación; formarán parte do GALP aquelas entidades capaces de acordar unha Estratexia común.
- Organizacións Empresariais e Asociacións de Profesionais, da pesca, da hostalería, do turismo e de calquera outro sector.
- Asociacións de Carácter Social que representen a colectivos das nosas comarcas: mulleres, xuventude, persoas con necesidades especiais, etc.
- Asociacións Culturais, Deportivas e de Defensa da Natureza.
…en fin, calquera grupo que teña algo que dicir para crear un Territorio Costeiro Sostible.
