O territorio GALP Costa Sostible está situado na costa noroeste de Galicia, fronte ao Océano Atlántico; inclúe dúas áreas principais perfectamente definidas: a Ría de Muros-Noia e o sur da Costa da Morte.

Trátase dun fermoso territorio costeiro que posúe un bo número de áreas protexidas e sitios de interese comunitario, como o Monte Louro, o Monte Pindo ou o Estuario do Tambre; a eles incorpora escenarios de gran atracción turística, como o Cabo Fisterra, antigo fin do mundo dos romanos, o Castro de Baroña, a Fervenza do Ézaro e un bo número de excelentes areais e tamén poboacións cun extraordinario centro histórico, como Corcubión, Muros e Noia.

Este territorio conta cunha estreita vinculación co sector pesqueiro, tanto a nivel económico-laboral como no eido cultural e social. Dita vinculación revela unha marcada dependencia do sector da pesca nun 45%, aínda que é necesario sinalar unha crecente importancia do turismo. Conciliar ambos os sectores prioritarios, mantendo a sustentabilidade do territorio, é o noso obxectivo primordial; por iso a valoración dos proxectos aposta expresamente pola súa responsabilidade coa paisaxe, tendo en conta que a costa é sempre un ecosistema cun equilibrio delicado, e pola súa responsabilidade coas persoas, buscando un impacto positivo na poboación local.

O territorio comprende os concellos de Fisterra, Cee, Corcubión, Dumbría, Carnota, Muros, Outes, Noia e Porto do Son; ocupando unha superficie total de 593,4 Km2, cunha poboación actual de 58.613 habitantes.

O Grupo de Acción Local do Sector Pesqueiro Seo de Fisterra – Ría de Muros-Noia, Costa Sostible, ou máis sinxelamente, GALP Costa Sostible, é o responsable no seu territorio da xestión das axudas do Fondo Europeo Marítimo, da Pesca e Acuicultura. É o interlocutor para os promotores locais na súa procura de financiamento para iniciativas de interese económico e social.

O GALP Costa Sostible financia proxectos para a creación ou mellora de actividades económicas e de servizos de interese local ata o Horizonte 2027.

A súa misión é fixar poboación e mellorar o nivel de vida dos habitantes apostando pola competitividade, animando a modernización tecnolóxica e a dixitalización, apoiando a investigación I+D+i, a economía circular e o lanzamento de novos produtos e servizos para acadar un Territorio Costeiro Sostible económicamente competitivo e resiliente, socialmente moderno,  comprometido nas loitas globais contra o cambio climático e por un mundo máis xusto e inclusivo, a través da constante actualización  de súa condición de territorio pesqueiro e da súa cultura mariñeira.

Nas súas actuacións, o GALP Costa Sostible axústase ao marco estratéxico europeo, nacional e autonómico; actuando con coherencia co Pacto Verde Europeo, coa Economía Azul Sostible, a Axenda 2030, o Desenvolvemento Local Participativo do Programa FEMPA en España e outros programas ou estratexias autonómicas.

O GALP Costa Sostible é un axente técnicamente solvente e un compañeiro cómplice para as persoas e as entidades, en particular do sector da pesca, no deseño e posta en marcha de iniciativas particulares e colectivas enmarcadas na aplicación local dos Obxectivos de Desenvolvemento Sostible.

Noso GALP será recoñecido polos seguintes atributos e formas de actuación:

– Ser eficaz, xusto e transparente na xestión dos recursos do FEMPA e da Consellería do Mar.

– Ser proactivo e referente na transmisión práctica dos valores do crecemento ambientalmente sostible e socialmente xusto. 

– Ser animador e cómplice das persoas e entidades do territorio na posta en marcha de iniciativas e na mellora da solvencia técnica e do impacto ambiental e social positivo das mesmas.

– Ser comprometido nas loitas da nosa xeración: contra o despoboamento e o envellecemento, pola adaptación e pervivencia da pesca costeira artesanal, pola igualdade de xénero, polo crecemento inclusivo e pola mitigación e adaptación ao cambio climático.

O GALP Costa Sostible será o axente que sempre axuda e que sempre esixe un pouco máis no compromiso co territorio.

Abarca diversos aspectos:

• Atención á viabilidade técnica, económica, social e financieira dos proxectos. É moi importante que os proxectos partan dun análisis riguroso das suas opcións de futuro. Se están orientados ó mercado –os proxectos productivos- deben ser viables neste contorno.

• A sostenibilidade medioambiental e paisaxística. A costa é unha paisaxe sempre en equilibrio delicado. Calqueira acción debe ter en conta o seu impacto no entorno. Teremos en conta as suas implicacións nos ecosistemas locais e en tódalas formas de impacto paisaxístico para conseguir que a acción humana conserve e enriquezca o medio natural e cultural.

• A responsabilidade social. O GALP aposta por fórmulas de traballo que teñen un impacto positivo na sociedade local. Ademáis da creación de empleo, debemos loitar pola participación de tódolos cidadáns nos beneficios do progreso, atendendo ás persoas desfavorecidas ou con necesidades específicas.

A Estratexia de Desenvolvemento Local Participativo, é un documento que recolle as líñas básicas cas que traballa o GALP para determinar qué tipo de proxectos deben contar co seu apoio para conseguir ese objetivo de desenvolvemento sostible.

Foi aprobada polo GALP, reunindo ós representantes dos diversos sectores e intereses do territorio, e pola Consellería do Mar.

¿Qué vas atopar na EDLP Costa Sostible?

• O análisis do territorio, coas suas potencialidades.
• Os obxetivos marcados.
• Os tipos de proxectos subvencionables.
• Os porcentaxes de financiamento aplicables.
• As normas do funcionamiento do GALP.
• O presuposto de execución.